مصر ام الدنيا

طمني علي مصر "

. يا عم .الحاج ... مصر زي الفل وتمام

* قلتله والناس ؟
- قالي بيفطروا بيتزا وبيتعشوا حمام

* قلتله والعيشه لساها مره ؟
- قالي دي الناس من كتر الفرحة مش عاوزة تنام

* قلتله يعني البلد حالها اتعدل ؟
- قالي طبعا دي مفيهاش كلام

*قلتله امال البلطجة والسرقة ؟
- قالي دة ابراهيم الابيض و دة شغل افلام

* قلتله والضحايا والشهدا ؟
- قالي يا عم دي تفاهات إعلام

* قلتله ايه أخبارالخصخصة ؟
- قالي خلاص كلها قطاع عام

* قلتله طب والدعم ؟
- قالي مع التموين كل شهر ليك بلح الشام

* قلتله وأطفال الشوارع ؟
- قالي ملهمش غير الصنعة والعلام

* قلتله والعشوائيات ؟
- قالي كلها سراميك ورخام

* قلتله صحيح جرام الدهب عامل كام ؟
- قالي جرام ايه دة الدهب بيتباع خام

* قلتله طب علي كدة بقي ما تشوف لي عروسة
- قالي خلاص مبقاش في عنوسة كلها بقيت مدام

* قلتله اية اخبار ثورتنا؟
- قالي مطالبنا اتحققت و وكله تمام التمام

* قلتله مصراللي بتكلمني عليها دي مصرأم الدنيا ؟
ولا مصر أم الاحلام و الاوهام ؟
ولا مصر كمان 100 سنة لقدام ؟
ألووووووووووووووووو
انت سامعني
يا فلان يا فلان

قفل من غير حتي ما يقولي سلام ...!

المساهمات : 99 تاريخ التسجيل : 19/12/2013

ربــنا يـحمــى مــصر مـن كــل ســوء يــارب ...وتــســلـمـ أأأيــدكـ

صفحة 1 من اصل 1